اخواتى الاحباء وحشتونى كتير بقالى فتره منزلتش حاجه فى الركن
بس لضيق الوقت
وانتو عارفين رمضان يومه بيعدى بسرعه
وقارب شهر الخير على الانتهاء
وياتى العيد بفرحته واحبابه
بقدم ليكم حلوياتى فى العيد
انا عملتها بدرى علشانكم حبيباتى
ان شاء الله يكون ملف متجدد ومتنوع باذن الله
الوصفات عن تجربه وطعمها راائع جداااا
بس مع مراعاه المقادير بالظبط لان الحلويات لا تحتمل التغير
اولا الكحك المصرى الشهير
فى طريقتين
البارده والساخنه
البارده وهى استعمال زبده لينه جداا وبيكنج بورد مع الدقيق
طعمها مختلف عن اللى متعوده عليها بس لا يحتمل التخزين ابداا
طعمه بعد فتره بيغير
الساخنه وهى بقدح السمن جيداا وصبها على الدقيق مع استعمال الخميره
وده ممكن يعيش معاكى اكتر من 6 شهور
يرعى فى الطرقتين الحفظ فى علبه مغلقه جيدااا واستعمال نوع دقيق جيدا
وده مهم جداااااااااااااااااااااااااااااا
المقادير
كيلو دقيق
(استخدمت دقيق خاص بالكحك من محلاات مستلزمات الحلوانى وكانت النتيجه مرضيه الحمد لله )
550 جرام سمنه مقدوحه(ساخنه جداا) 3 كوب الا ربع تقريبا
ملعقه سكر
ملعقه سمسم
ملعقه صغيره ريحه كحك
ملعقه صغيره ملح
ملعقه صغيره خميره
لبن للعجن (تقريبا كوب ونصف او اقل ) حسب نوع الدقيق
الطريقه
يخلط الدقيق مع الملح والسكر والسمسم واريحه الكحك
يقدح السمن جيداااا
تضاف السمن على الدقيق
نقلب بملعقه وخذى بالك لانها تكون ساخنه جدااا
وبعدين نبسها بين راحته اليد كويس حتى تتدخل السمن جيداا
نقلب الخميره مع قليل من البن ورشه سكر حتى تتخمر ثم نضفها على الخليط
ونضيق اللبن بالتتدريج حتى تتكون عجينه سهله التشكيل
ممكن نحشيها ملبن عجوه او عجميه او ساده
انا بستعمل المنقاش لو لاقيتى العجينه ناشفه شويه طريها بايدك
ولازم تكون متغطيه كويس
وبشتغل فيها على طول
بعد ما اخلص الكميه كلها اشغل الفرن على 180 درجه لمده ربع ساعه
حتى ييسخن تماامااااااا
ونضع او صنيه عملنها بتكون الكحك ناشفه
لم اضع السكر البودره لانى اضعه وقت التقدم مباشرتااا
نضعها فى علبه محكمه الغلق لحين الاستخدام
ووقت التقديم نضع السكر البودره
موضوع: كيفيه عمل الكحك المصري 
